Madridning “Real” klubi darvozaboni Tibo Kurtua “Osasuna”ga qarshi bahsda ishtirok etishi mumkin.

Belgiyalik futbolchi 18 fevral kuni bo‘lib o‘tadigan La Liganing 22-tur o‘yini uchun qaydnomaga kiritilgan.

30 yoshli darvozabon chap oyog‘idagi jarohat tufayli 2 fevraldan beri maydonga tushmayapti. Usiz jamoa klublar o‘rtasidagi jahon chempionatida g‘olib chiqdi.

Shu bilan birga, hujumchi Karim Benzema va yarim himoyachi Toni Kroos "Osasuna" bilan o‘yin uchun kengaytirilgan tarkibga kiritilmagan.

21 fevral kuni Madridning “Real” klubi Chempionlar ligasining 1/8 finalida “Liverpul” bilan o‘ynaydi.