"Chelsi" bosh murabbiyi Grem Potter yana bir bor Mark Kukurelyani tanqid qilinayotgani haqidagi savolga javob qaytardi.

London grand klubi muxlislari o‘tgan yozda "Brayton"dan 65 million yevrodan ko‘proq evaziga sotib olingan ispaniyalik himoyachining o‘yinidan noroziligini ochiqchasiga bildirmoqda. Yaqinda Chempionlar ligasi doirasida Dortmundning "Borussiya" jamoasiga qarshi o‘yinda Kukurelya yana mazax qilindi.

"Jamoa natijalari va hozirgi holatimizni hisobga olsak, tanqidning asosiy qismi kimgadir tushishi aniq. Biz xohlaymizmi yoki yo‘qmi, bu ish sodir bo‘ladi.

Muxlissiz klub yo‘q, ular ham o‘z fikrini aytishga haqli. Mark hamma narsani tushunadi. U buni osonroq qabul qilishni o‘rganishi kerak va biz unga yordam berishga harakat qilamiz", - dedi Potter.