"Челси" бош мураббийи Грэм Поттер яна бир бор Марк Кукурельяни танқид қилинаётгани ҳақидаги саволга жавоб қайтарди.
Лондон гранд клуби мухлислари ўтган ёзда "Брайтон"дан 65 миллион евродан кўпроқ эвазига сотиб олинган испаниялик ҳимоячининг ўйинидан норозилигини очиқчасига билдирмоқда. Яқинда Чемпионлар лигаси доирасида Дортмунднинг "Боруссия" жамоасига қарши ўйинда Кукурелья яна мазах қилинди.
"Жамоа натижалари ва ҳозирги ҳолатимизни ҳисобга олсак, танқиднинг асосий қисми кимгадир тушиши аниқ. Биз хоҳлаймизми ёки йўқми, бу иш содир бўлади.
Мухлиссиз клуб йўқ, улар ҳам ўз фикрини айтишга ҳақли. Марк ҳамма нарсани тушунади. У буни осонроқ қабул қилишни ўрганиши керак ва биз унга ёрдам беришга ҳаракат қиламиз", - деди Поттер.
