Angliya chempionatining 24-turi doirasida «Manchester Siti» safarda «Nottingem Forest» klubi mehmoni bo‘lib, alamli tarzda g‘alabani qo‘ldan chiqardi.

"Shaharliklar" 41-daqiqada Bernardu Silvaning goli evaziga hisobni ochishdi. Gvardiola jamoasi ikkinchi taymda raqib darvozasini ishg‘ol qilish uchun kamida 4ta vaziyat yaratishdi. Ammo ba’zi vaziyatlarda Keylor Navas qahramonlik ko‘rsatgan bo‘lsa, ba’zida "Siti" futbolchilariga aniqlik yetishmadi.

Bahsning 84-daqiqasida esa mezbonlar yagona imkoniyatdan unumli foydalanib, hisobni tenglashtirishdi. "Siti" esa qolgan daqiqalarda raqib darvozasiga yo‘l topa olmadi va 2 ochkodan mahrum bo‘ldi.

Natijada bitta zaxira o‘yiniga ega bo‘lgan "Arsenal" "Manchester Siti"dan 2 ochkoga ilgarilab ketdi.

Angliya chempionati, 24-tur
Nottingem Forest – Manchester Siti 1:1 (0:1, 1:0)
Gollar: 0:1 – 41 Bernardu Silva, 1:1 – 84 Vud.
Nottingem Forest – Navas, Orye (Vud, 79), Felipe, Uorrell, Lodi (Toffolo, 79), Kolbek (Uilyams, 58), Shelvi (Mangalya, 72), Froyler, Gibbs-Uayt, Danilo (Ayyu, 58), Djonson.
Manchester Siti – Ederson, Uoker, Laport, Ruben Diash, Gyundogan, de Bryuyne (Alvares, 88), Grilish, Bernardu Silva, Rodri, Foden (Ake, 89), Xoland.
Ogohlantirishlar: Uorrell (14), Gvardiola (66).