Lequipe nashri portugaliyalik hujumchi Krishtianu Ronaldu va futbol agenti Jorje Mendesh o‘rtasidagi hamkorlikning barbod bo‘lishi sababini aniqlashga muvaffaq bo‘ldi.

Manbaning ma’lum qilishicha, tomonlar o‘rtasidagi kelishmovchiliklarga jamlovchi effekt ta’sir ko‘rsatgan. Hamkorlikning bardor bo‘lishiga so‘nggi tomchi Krishtianuning jurnalist Pirs Morganga bergan shov-shuvli intervyusi bo‘ldi.

"Jorje bu intervyu berish qarorini mutlaqo bema’nilik deb aytdi" - dedi Mendeshga yaqin odam.

Ronaldu noyabr oyi oxirida jamoa rahbariyati va bosh murabbiyi Erik ten Xagni tanqid qilib, janjal bilan "Manchester Yunayted"ni tark etgan edi. Yanvar oyi boshida portugaliyalik futbolchi Saudiya Arabistonining "An-Nasr" klubi bilan shartnoma imzolagan edi.