“Liverpul” hujumchisi Kodi Gakpo mersisaydliklar safidagi birinchi goli haqidagi taassurotlari bilan o‘rtoqlashdi. Eslatib o‘tamiz, niderlandiyalik forvard Yurgen Klopp jamoasidagi debyut golini "Everton"ga qarshi derbida urgandi. Shuningdek o‘tgan dam olish kunlari safarda "Nyukasl" darvozasini ham ishg‘ol qilgan.
“Albatta, birinchi golimni urish juda yoqimli bo‘ldi. Bu Mersisayd derbisi edi - debyut gol urish uchun ajoyib vaqt”, - dedi Gakpo Chempionlar ligasining ⅛ finalida “Real”ga qarshi o‘yin oldidan o‘tkazilgan matbuot anjumanida.
Gakpo qishda "Liverpul'ga PSV Eyndxovendan 42 million yevro evaziga o‘tgan edi. Bungacha futbolchiga ko‘plab top-klublar, jumladan, "Manchester Yunayted" va "Real" qiziqish bildirgan.
