Yakshanba oqshomida "Barselona" Liga doirasida "Kadis"ni 2:0 hisobida mag‘lub etdi. Unda Kataloniya jamoasi futbolchisi Ferran Torres ajoyib o‘yin ko‘rsatdi. O‘yin davomida u 10 ta muvaffaqiyatli dribling amalga oshirdi (13 ta urinishda). Bu barcha jamoalar o‘yinchilari o‘rtasida joriy mavsumda La Ligadagi bitta o‘yindagi eng yaxshi ko‘rsatkichdir. Bu haqda Opta xabar beradi.

Shu bilan birga, Ferran Torresning 10 ta muvaffaqiyatli driblingi Andres Inyestadan keyin ispaniyalik futbolchilar orasida La Liga o‘yinlarida "Barselona"dagi eng yaxshi ko‘rsatkich ekanligi qayd etilgan. 2011 yilda "Atletik"ga qarshi o‘yinda Inyesta 14 urinishda 12 ta omadli dribling qayd etgan.

"Barselona" La Ligada ikkinchi pog‘onadagi "Real Madrid"dan 8 ochko oldinda bormoqda.