Якшанба оқшомида "Барселона" Лига доирасида "Кадис"ни 2:0 ҳисобида мағлуб этди. Унда Каталония жамоаси футболчиси Ферран Торрес ажойиб ўйин кўрсатди. Ўйин давомида у 10 та муваффақиятли дриблинг амалга оширди (13 та уринишда). Бу барча жамоалар ўйинчилари ўртасида жорий мавсумда Ла Лигадаги битта ўйиндаги энг яхши кўрсаткичдир. Бу ҳақда Opta хабар беради.
Шу билан бирга, Ферран Торреснинг 10 та муваффақиятли дриблинги Андрес Иньестадан кейин испаниялик футболчилар орасида Ла Лига ўйинларида "Барселона"даги энг яхши кўрсаткич эканлиги қайд этилган. 2011 йилда "Атлетик"га қарши ўйинда Иньеста 14 уринишда 12 та омадли дриблинг қайд этган.
"Барселона" Ла Лигада иккинчи поғонадаги "Реал Мадрид"дан 8 очко олдинда бормоқда.
