"Marsel" hujumchisi Aleksis Sanches faoliyatini Turkiya chempionatida davom ettirishi mumkin edi, deb xabar beradi L'Equipe Telefoot nashriga tayanib.
Istanbulning "Galatasaroy" klubi 34 yoshli chililik hujumchini o‘z safiga qo‘shib olmoqchi edi.
Turkiya klubi janubiy amerikalik futbolchiga to‘rt million yevro maosh bilan shartnoma taklif qildi, biroq Sanches "Marsel"da qolishni tanladi.
O‘tgan yozda u Fransiya jamoasi bilan 1+1 sxemasi bo‘yicha shartnoma imzolagandi.
Sanches joriy mavsumda barcha turnirlarda 29 ta o‘yinda maydonga tushib, 13 ta gol va 1 ta golli uzatmani amalga oshirdi.