"Марсель" ҳужумчиси Алексис Санчес фаолиятини Туркия чемпионатида давом эттириши мумкин эди, деб хабар беради L'Equipe Telefoot нашрига таяниб.
Истанбулнинг "Галатасарой" клуби 34 ёшли чилилик ҳужумчини ўз сафига қўшиб олмоқчи эди.
Туркия клуби жанубий америкалик футболчига тўрт миллион евро маош билан шартнома таклиф қилди, бироқ Санчес "Марсель"да қолишни танлади.
Ўтган ёзда у Франция жамоаси билан 1+1 схемаси бўйича шартнома имзолаганди.
Санчес жорий мавсумда барча турнирларда 29 та ўйинда майдонга тушиб, 13 та гол ва 1 та голли узатмани амалга оширди.
