"Yuventus" hujumchisi Dushan Vlaxovich qishki transfer oynasida "Manchester Yunayted"ga o‘tishi mumkin edi, deya ta’kidlamoqda AS.
Transfer usun so‘ralgan narx 100 dan 120 million yevrogacha bo‘lgan. Muzokaralar nihoyasiga yetib, transfer deyarli yakunlanib bo‘lganida, serbiyalik hujumchining agenti kelishuvga to‘sqinlik qildi.
A Seriyaning joriy mavsumida 23 yoshli hujumchi 14 ta o‘yinda maydonga tushib, 8 ta gol urdi va 2 ta golli uzatmani amalga oshirdi.
Vlaxovichning Turin klubi bilan shartnomasi 2026 yilgacha mo‘ljallangan. Transfermarkt portali futbolchining bozor narxini 80 million yevroga baholamoqda.
