"Yuventus"ning sobiq bosh murabbiyi Andrea Pirlo 2020/2021 yilgi mavsumda Turin klubida birga ishlagan hujumchi Krishtianu Ronaldu haqida fikr bildirdi.
Hozirda portugaliyalik futbolchi Saudiya Arabistonining "An-Nasr" klubida o‘ynaydi, avvalroq "Manchester Yunayted"ni janjal bilan tark etgandi.
"Krishtianu bilan ishlash juda yoqimli edi, bizda ajoyib munosabatlar bor edi va hech qachon muammoga duch kelmadik. U har doim juda yaxshi kayfiyatga ega edi. U mashg‘ulotlardan so‘ng zarbalar ustida ishlash uchun qolardi, ba’zida men unga ozgina maslahat berardim.
Krishtianuda ulkan iqtidor bor, lekin buning ortida ham katta mehnat bor. U har kuni birinchi raqamli bo‘lishni, barcha uchrashuvlarda maydonga tushishni istaydi. U yaxshi mashq qiladi, yaxshi ovqatlanadi, yaxshi uxlaydi ... Bu juda professional munosabat. Bunga ota-onasi bergan va uni dunyoda birinchi raqamli bo‘lishga olib kelgan iste’dodni ham qo‘shishimiz kerak", - dedi Pirlo Relevo bilan suhbatda.
