Madridning “Real” klubi yarim himoyachisi Toni Kroosga yana Angliya Premyer-ligasining yetakchi klublaridan biri qiziqish bildirmoqda.
33 yoshli futbolchi hali "Real"da qolishi borasida yakuniy qarorga kelgani yo‘q. Yarim himoyachining shartnomasi iyun oyida tugaydi va klub shartnomani uzaytirishdan manfaatdor. ABC telekanali xabariga ko‘ra, vaziyatdan xabardor bo‘lgan nomi oshkor etilmagan ingliz giganti Kroos vakillari bilan bog‘lanib, ehtimoliy transfer masalasini muhokama qilgan, biroq qat’iy javob olgan – futbolchi yo “Real”da qoladi yoki faoliyatini yakunlaydi.
Toni Kroos joriy mavsumda 32 ta o‘yinda maydonga tushib, 2 ta gol va 4 ta golli uzatmaga mualliflik qilgan.