Мадриднинг “Реал” клуби ярим ҳимоячиси Тони Кроосга яна Англия Премьер-лигасининг етакчи клубларидан бири қизиқиш билдирмоқда.
33 ёшли футболчи ҳали "Реал"да қолиши борасида якуний қарорга келгани йўқ. Ярим ҳимоячининг шартномаси июнь ойида тугайди ва клуб шартномани узайтиришдан манфаатдор. ABC телеканали хабарига кўра, вазиятдан хабардор бўлган номи ошкор этилмаган инглиз гиганти Кроос вакиллари билан боғланиб, эҳтимолий трансфер масаласини муҳокама қилган, бироқ қатъий жавоб олган – футболчи ё “Реал”да қолади ёки фаолиятини якунлайди.
Тони Кроос жорий мавсумда 32 та ўйинда майдонга тушиб, 2 та гол ва 4 та голли узатмага муаллифлик қилган.