"Liverpul" bosh murabbiyi Yurgen Klopp jarohat olgan futbolchilarning ahvoli haqida gapirdi.

“Tyago Alkantara hali tiklanmoqda, Luis Dias yaxshi ko‘rinmoqda, ammo u hali ham jamoa bilan mashg‘ulot o‘tkazmayapti. Jo Gomes mushaklaridagi muammo tufayli safdan chiqdi, ammo u yaxshi, muammolarsiz harakat qilmoqda. Darvinga kelsak, unga ko‘proq mashg‘ulotlar kerakmi yoki yo‘qligini ko‘ramiz. Kecha u yaxshi ko‘rindi, ammo biz yana hammasi joyida ekanligiga ishonch hosil qilishimiz kerak”, - dedi Klopp “Vulverxempton”ga qarshi o‘yin oldidan matbuot anjumanida.

Eslatib o‘tamiz, "Liverpul" so‘nggi ikki o‘yinda g‘alaba qozona olmadi: avvaliga Yurgen Klopp jamoasi Chempionlar ligasining ⅛ finali birinchi o‘yinida "Real"ga 2:5 hisobida mag‘lub bo‘lgan, keyin esa APL doirasida "Kristal Pelas" bilan golsiz durang o‘ynagandi.