"Vulverxempton" bosh murabbiyi Xulen Lopetegi "Liverpul" bilan bo‘lajak uchrashuv haqida gapirdi.

Chorshanba kuni "Bo‘rilar" "Enfild"da Yurgen Klopp jamoasi mehmoni bo‘ladi.

"Enfild"da o‘ynash juda qiyin, umuman olganda "Liverpul" har qanday stadionda xavfli. Yaqinda "Real Madrid"ga qarshi o‘yinda (2:5) jamoa birinchi bo‘limni ajoyib o‘tkazdi va aniq boshqacha natijaga loyiq edi, ammo bu futbol.

Ishonchim komilki, ertaga aql bovar qilmaydigan kayfiyatdagi jamoaga duch kelamiz, bunga tayyor bo‘lishimiz kerak. Bizning ishimiz qiyin bo‘lsa ham, o‘z o‘yinimizni ko‘rsatishga harakat qilishdir", - dedi Lopetegi matbuot anjumanida.