“Leypsig” markaziy himoyachisi Yoshko Gvardiol faoliyatini APLda davom ettirmoqchi.
Yaqinda OAVda 21 yoshli futbolchi kelasi yozda "Real"ga o‘tishga tayyorligi haqida xabarlar tarqalgan edi. CaughtOffside xabariga ko‘ra, bu ma’lumot haqiqatga to‘g‘ri kelmaydi: xorvat "Real"ga o‘tishga rozi bo‘lmagan - buning o‘rniga u Angliya chempionati gigantlaridan biriga o‘tishni afzal ko‘rmoqda. “Liverpul” yosh markaziy himoyachiga asosiy da’vogar sanaladi.
Gvardiolning "Leypsig" bilan shartnomasi 2027 yilgacha mo‘ljallangan. Transfermarkt ekspertlari futbolchining narxini 75 million yevroga baholamoqda.