“Лейпциг” марказий ҳимоячиси Йошко Гвардиол фаолиятини АПЛда давом эттирмоқчи.
Яқинда ОАВда 21 ёшли футболчи келаси ёзда "Реал"га ўтишга тайёрлиги ҳақида хабарлар тарқалган эди. CaughtOffside хабарига кўра, бу маълумот ҳақиқатга тўғри келмайди: хорват "Реал"га ўтишга рози бўлмаган - бунинг ўрнига у Англия чемпионати гигантларидан бирига ўтишни афзал кўрмоқда. “Ливерпуль” ёш марказий ҳимоячига асосий даъвогар саналади.
Гвардиолнинг "Лейпциг" билан шартномаси 2027 йилгача мўлжалланган. Transfermarkt экспертлари футболчининг нархини 75 миллион еврога баҳоламоқда.