O‘zbekiston mezbonligida o‘tadigan U-20 Osiyo kubogi-2023 musobaqasi 1 mart, chorshanba kuni start oladi. Mintaqaning 16 ta jamoasi ishtirokida o‘tadigan musobaqa uchrashuvlariga Toshkentdagi “Bunyodkor”, “JAR”, “Lokomotiv” va Farg‘onadagi “Istiqlol” stadionlari mezbonlik qiladi.

Reglament haqida
Har birida to‘rttadan jamoaga ega to‘rtta guruhda dastlabki ikki o‘rinni qo‘lga kiritgan jamoalar 1/4 finalga yo‘l oladi. Yarim final yo‘llanmasiga ega chiqqan to‘rt terma jamoasi 2023 yilning may—iyun oylarida Indoneziyada bo‘lib o‘tadigan U-20 Jahon chempionatiga yo‘llanmani qo‘lga kiritadi.

"A" guruhida birinchi o‘rinni olgan jamoa chorak finalda "B" guruhidagi ikkinchi o‘rin egasi bilan o‘ynaydi. "A" guruhining ikkinchi jamoasi "B" guruhi g‘olibi bilan bahs olib boradi. "C" va "D" guruhlarida ham xuddi shu tizim amalda bo‘ladi.

Agar Indoneziya yoshlar jamoasi mazkur turnirda yarim finalgacha yetib borsa, chorak finalda yutqazgan jamoalar o‘rtasida mini-turnir tashkil etiladi va JCHga beriladigan yana bir yo‘llanma egasi aniqlanadi.

O‘zbekistonning yo‘li

Ravshan Haydarov qo‘l ostidagi jamoa A guruhida Suriya, Iroq va Indoneziyaga qarshi bahs olib boradi. Guruh masalasi hal etilsa, chorak finalda Qatar, Avstraliya, Vyetnam yoki Eron jamoalaridan biri ro‘baro‘ keladi.

O‘zbekiston U-20 terma jamoasining taqvimi:

O‘zbekiston — Suriya
1 mart, 19:00 (“Bunyodkor”, Toshkent)

Iroq — O‘zbekiston
4 mart, 19:00 (“Bunyodkor”, Toshkent)

O‘zbekiston — Indoneziya
7 mart, 19:00 (“Istiqlol”, Farg‘ona)

Guruh bosqichi ishtirokchilari