Ўзбекистон мезбонлигида ўтадиган U-20 Осиё кубоги-2023 мусобақаси 1 март, чоршанба куни старт олади. Минтақанинг 16 та жамоаси иштирокида ўтадиган мусобақа учрашувларига Тошкентдаги “Бунёдкор”, “ЖAR”, “Локомотив” ва Фарғонадаги “Истиқлол” стадионлари мезбонлик қилади.
Регламент ҳақида
Ҳар бирида тўрттадан жамоага эга тўртта гуруҳда дастлабки икки ўринни қўлга киритган жамоалар 1/4 финалга йўл олади. Ярим финал йўлланмасига эга чиққан тўрт терма жамоаси 2023 йилнинг май—июнь ойларида Индонезияда бўлиб ўтадиган U-20 Жаҳон чемпионатига йўлланмани қўлга киритади.
"А" гуруҳида биринчи ўринни олган жамоа чорак финалда "B" гуруҳидаги иккинчи ўрин эгаси билан ўйнайди. "А" гуруҳининг иккинчи жамоаси "B" гуруҳи ғолиби билан баҳс олиб боради. "C" ва "D" гуруҳларида ҳам худди шу тизим амалда бўлади.
Агар Индонезия ёшлар жамоаси мазкур турнирда ярим финалгача етиб борса, чорак финалда ютқазган жамоалар ўртасида мини-турнир ташкил этилади ва ЖЧга бериладиган яна бир йўлланма эгаси аниқланади.
Ўзбекистоннинг йўли
Равшан Ҳайдаров қўл остидаги жамоа А гуруҳида Сурия, Ироқ ва Индонезияга қарши баҳс олиб боради. Гуруҳ масаласи ҳал этилса, чорак финалда Қатар, Австралия, Вьетнам ёки Эрон жамоаларидан бири рўбарў келади.
Ўзбекистон U-20 терма жамоасининг тақвими:
Ўзбекистон — Сурия
1 март, 19:00 (“Бунёдкор”, Тошкент)
Ироқ — Ўзбекистон
4 март, 19:00 (“Бунёдкор”, Тошкент)
Ўзбекистон — Индонезия
7 март, 19:00 (“Истиқлол”, Фарғона)
Гуруҳ босқичи иштирокчилари
