Madridning “Real” klubi hujumchisi Karim Benzema tez orada Ispaniya poytaxtini tark etishi mumkin. 35 yoshli futbolchi yana Fransiyaga qaytishi mumkin.
Todofichajes nashriga ma’lum bo‘lishicha, "Lion" tajribali to‘purarga qiziqish bildirmoqda. Qayd etish joiz, Benzema ushbu klub tarbiyalanuvchisi hisoblanadi. U 2006-2009 yillarda "to‘quvchi"larning asosiy jamoasida o‘ynagan, shundan so‘ng "qirollik" klubiga o‘tgan. Karim va "Real" o‘rtasidagi amaldagi mehnat shartnomasi 2023 yilning yoziga qadar amal qiladi.
"Real Madrid" allaqachon o‘z hujumchisiga o‘rinbosar qidirishni boshlagan. Romelu Lukuku va Kilian Mbappe "qaymoqranglilar" ro‘yxatidan joy oldi.