Мадриднинг “Реал” клуби ҳужумчиси Карим Бензема тез орада Испания пойтахтини тарк этиши мумкин. 35 ёшли футболчи яна Францияга қайтиши мумкин.
Todofichajes нашрига маълум бўлишича, "Лион" тажрибали тўпурарга қизиқиш билдирмоқда. Қайд этиш жоиз, Бензема ушбу клуб тарбияланувчиси ҳисобланади. У 2006-2009 йилларда "тўқувчи"ларнинг асосий жамоасида ўйнаган, шундан сўнг "қироллик" клубига ўтган. Карим ва "Реал" ўртасидаги амалдаги меҳнат шартномаси 2023 йилнинг ёзига қадар амал қилади.
"Реал Мадрид" аллақачон ўз ҳужумчисига ўринбосар қидиришни бошлаган. Ромелу Лукуку ва Килиан Мбаппе "қаймоқранглилар" рўйхатидан жой олди.