"Bavariya" hujumchisi Erik Chupo-Motingning maoshi sezilarli darajada oshadi. Sport Bild xabariga ko‘ra, rahbariyat kamerunlik hujumchining yillik maoshini ikki barobarga oshiradi.
Chupo-Moting hozirda "Bavariya"da yiliga 5 million yevro maosh oladi. Yangi kelishuvga ko‘ra, bu ko‘rsatkich 10 millionga ko‘tariladi. Bunda shartnoma faqat bir mavsumga mo‘ljallangan bo‘ladi.
Chupo-Moting joriy mavsum Germaniya Bundesligasida 16 ta o‘yinda maydonga tushib, 9 ta gol va 2 ta golli uzatmani amalga oshirdi.
