Madridning "Real" klubi bosh murabbiyi Karlo Anchelotti Ispaniya kubogi yarim finalining birinchi o‘yinida "Barselona"dan uchralgan mag‘lubiyat (0:1) haqida fikr bildirdi.

"Natija juda yomon, biz bunga loyiq emasdik, chunki biz yaxshi, intensiv o‘ynadik, "Barselona" o‘zlari xohlagandek harakat qilishiga imkon bermadik. Ular past darajada himoyalanishdi, biz esa yuqori bosim o‘tkazdik. Shu ma’noda o‘yin yaxshi bo‘ldi. Ammo yakuniy bosqichda bizga omad yetishmadi, vaziyatlar yaratish qiyin edi. "Barselona" juda kuchli himoyaga ega. Biz ko‘p oldinga o‘tdik, ammo gol ura olmadik. Bu uchrashuv javob o‘yini oldidan menga ishonch bag‘ishlaydi. Agar biz ham xuddi shunday o‘ynay olsak, unda imkoniyat bo‘ladi. Biz mag‘lubiyatga loyiq emasdik", - dedi Anchelotti Marca bilan suhbatda.