"Manchester Siti" bosh murabbiyi Xosep Gvardiola Angliya Premyer-ligasining 26-turi doirasida "Nyukasl"ga qarshi o‘yinda (2:0) jamoa safida 100-"quruq o‘yin" o‘tkazgan darvozabon Ederson haqida o‘z fikrlari bilan o‘rtoqlashdi.

"Ederson - ko‘p sovrinlarni qo‘lga kiritishimizga sabablarchidan biri. Chunki uning sharofati bilan bizda quruq o‘yinlar va seyvlar ko‘p bo‘ldi. Ederson ko‘p narsada ajoyib edi. Shuning uchun u bu darajaga yetdi. Gol urish bilangina chempionlikni qo‘lga kiritib bo‘lmaydi, o‘zingni himoya qila olishing kerak" - dedi Gvardiola.

Ederson shunday natijaga "shaharliklar" safidagi 208-uchrashuvida erishdi. Bunday ko‘rsatkichga faqat "Chelsi" darvozaboni Petr Chex va "Liverpul" posboni Pepe Reynalar undan tezroq erishgan.