Kecha, 4 mart shanba kuni Angliya Premyer-ligasi doirasida bo‘lib o‘tgan barcha uchrashuvlar mezbonlarning g‘alabasi bilan yakunlandi. OPTA futbol statistiklarining fikricha, bu 2000 yil 28 oktyabrdan keyin turnir tarixida kunning yetti yoki undan ortiq o‘yinida maydon egalari g‘alaba qozongan ikkinchi kundir.

Eslatib o‘tamiz, kecha kun "Manchester Siti"ning "Nyukasl" ustidan qozonilgan g‘alabasi (2:0) bilan boshlandi, shundan so‘ng "Brayton" "Vest Xem" (4:0), "Vulverxempton" "Tottenxem" (1:0), "Sautgempton" "Lester" (1:0), “Aston Villa” “Kristal Pelas” (1:0), “Chelsi” “Lids” (1:0) hamda “Arsenal” “Bornmut” (3:2) ustidan zafar quchdi.