Кеча, 4 март шанба куни Англия Премьер-лигаси доирасида бўлиб ўтган барча учрашувлар мезбонларнинг ғалабаси билан якунланди. OPTA футбол статистикларининг фикрича, бу 2000 йил 28 октябрьдан кейин турнир тарихида куннинг етти ёки ундан ортиқ ўйинида майдон эгалари ғалаба қозонган иккинчи кундир.

Эслатиб ўтамиз, кеча кун "Манчестер Сити"нинг "Ньюкасл" устидан қозонилган ғалабаси (2:0) билан бошланди, шундан сўнг "Брайтон" "Вест Хэм" (4:0), "Вулверхэмптон" "Тоттенхэм" (1:0), "Саутгемптон" "Лестер" (1:0), “Астон Вилла” “Кристал Пэлас” (1:0), “Челси” “Лидс” (1:0) ҳамда “Арсенал” “Борнмут” (3:2) устидан зафар қучди.