Leandro Paredes nima uchun Lionel Messi Argentina terma jamoasida qulayroq bo‘lganini aytdi.
"Biz Leoni o‘z poydevoridan olib tashladik va unga o‘zimizdan biridek munosabatda bo‘la boshladik. U o‘zini juda qulay his qildi.
Bu jamoaning o‘sishi uchun muhim vaziyatga aylandi. Bu bizda mavjud bo‘lgan eng muhim narsa. Shu tufayli biz ko‘plab yutuqlarga erishdik. Bu murabbiyning katta xizmatlari. Argentina terma jamoasida nafaqat ajoyib futbolchilar, balki ajoyib insonlar ham bor", - dedi "Yuventus" yarim himoyachisi.
Shuningdek, Paredes Argentinaning JCH-2022dagi g‘alabasi haqidagi xotiralari bilan o‘rtoqlashdi va Messi bilan bir jamoada g‘alaba qozonish u uchun nimani anglatishini aytib berdi.
"Bu har bir bolaning orzusi, men ham uning yonida bunga erishdim. Bu aql bovar qilmaydigan narsa" - dedi Paredes.
Gonsalo Montyel JCH-2022 finalida Fransiyaga qarshi o‘yinda g‘alaba qozongan penaltini aniq amalga oshirganida, Paredes Messining yonida edi. Ular tiz cho‘kib, quchoqlashdi.
"Bu qanday sharaf. Men unga jahon chempioni bo‘ldik, deb baqirdim, u barchamizga rahmat aytdi. U: "Men sizlarni yaxshi ko‘raman" - dedi.
Men o‘zimni uning do‘stidek his qilish va u bilan ko‘p muloqot qilish baxtiga muyassar bo‘ldim. Biz terma jamoada va klubda, futboldan tashqarida ham ko‘p narsalarni boshdan kechirdik. Bizda juda ko‘p umumiy xotiralar borligi juda yoqimli" - dedi Paredes.
