Ertadan U20 Osiyo kubogining chorak final bahslari start oladi. Bugun terma jamoamiz murabbiyi Ravshan Haydarov uchrashuvdan oldingi matbuot anjumanida ishtirok etdi.

«Bu bosqichga yetib kelgan barcha jamoalarni tabriklayman. Barcha uchun muhim palla boshlandi. Bu yoshdagi futbolchilar Jahon chempionatiga chiqishni juda ham xohlashadi. Barcha shogirdlarim o‘yin ahamiyatini his qilib turibdi. Ertaga borimizni berib harakat qilamiz.

Barcha miqyosdagi jamoalarimizda hujumchilar muammosi har doim mavjud bo‘lib kelgan. Ular juda ham ko‘p emas. Biroq Po‘latxo‘jaga ko‘proq imkon berishimning sababi - uning yetarlicha tajribasida. Faqat hujumchilarga qarab qolmaganmiz. Boshqa pozisiyadagilar ham hujumga chiqishadi.

Murabbiylar shtabimizda yoshlar bilan ishlash tajribasi yetarli. Bu avlodga ham katta foydamiz tegadi deb o‘ylayman. Ular o‘sish jarayonida. Yoshlar uchun Jahon chempionati eng muhim turnir hisoblanadi. Ular shundan so‘ng ulg‘ayadi. Ertangi raqib uchun maxsus rejam bor, o‘yinchilar borasida ham muammomiz yo‘q. Sovuqqonlik bilan yondashish juda ham muhim», dedi — Ravshan Haydarov.