Kataloniyaning “Barselona” klubi qanot hujumchisi Rafinya Dias yozda klubini o‘zgartirishi mumkin. Jurnalist Fabrisio Romanoning fikricha, kataloniyaliklar moliyaviy muammolar tufayli braziliyalikni sotishga majbur bo‘lishi mumkin.
Qayd etilishicha, “Barselona” rahbariyati ayni damda Rafinyani yuqori narxga baholamoqda va futbolchining debyut mavsumidagi o‘yinlaridan to‘liq qoniqish hosil qilmoqda. Ammo jamoa qimmat futbolchilaridan birini sotishi kerak bo‘lsa, tanlov Rafinyaga tushishi mumkin.
Braziliyalik futbolchi hisobida Ispaniya chempionatining joriy mavsumida 6 ta gol va 4 ta golli uzatma bor.