Каталониянинг “Барселона” клуби қанот ҳужумчиси Рафинья Диас ёзда клубини ўзгартириши мумкин. Журналист Фабрицио Романонинг фикрича, каталонияликлар молиявий муаммолар туфайли бразилияликни сотишга мажбур бўлиши мумкин.
Қайд этилишича, “Барселона” раҳбарияти айни дамда Рафиньяни юқори нархга баҳоламоқда ва футболчининг дебют мавсумидаги ўйинларидан тўлиқ қониқиш ҳосил қилмоқда. Аммо жамоа қиммат футболчиларидан бирини сотиши керак бўлса, танлов Рафиньяга тушиши мумкин.
Бразилиялик футболчи ҳисобида Испания чемпионатининг жорий мавсумида 6 та гол ва 4 та голли узатма бор.
