Bugun «Yuventus» yarim himoyachisi Pol Pogba o‘zining tug‘ilgan kunini nishonlamoqda. Fransuz futbolchisi 30 yoshga to‘ldi.
«Yuventus» Pol Pogbani tabriklash asnosida klubning futbolchiga ishonchi haqida ham aytdi.
«Bugun Pol Pogba 30ga to‘ldi. U «Frayburg»ga qarshi Yevropa ligasi o‘yiniga yo‘l olgan jamoa tarkibida bayram qilishni afzal ko‘rardi, ammo afsuski, bu mumkin emas.
Shuning uchun biz faqat Polni quchoqlab, uning biz uchun qanchalik muhimligini eslatmoqchimiz. Uning maydonga qaytishi eng yaxshi sovg‘a bo‘lishini bilamiz», - deyiladi klub xabarida.
