Yozgi transfer oynasida xo‘jayinlar almashganidan so‘ng moliyaviy imkoniyatlari keskin oshib ketgan "Nyukasl" yirik transferni amalga oshirishi mumkin. Todofichajes so‘zlariga ko‘ra, "hakkalar" markaziy hujumchi bilan shartnoma imzolamoqchi va "Yuventus" futbolchisi Dushan Vlaxovichni maqsad qilgan.
Qayd etilishicha, "Nyukasl" Dushan Vlaxovichning transferiga 100 million yevro tayyorlamoqda. "Yuventus" moliyaviy ahvoli og‘irligi sababli hujumchini sotishga majbur bo‘lishi mumkin.
Dushan 23 yoshda. 2022/2023 yilgi mavsumda serbiyalik hujumchi "Yuventus" safida 26 ta o‘yin o‘tkazib, 10 ta gol urdi va 4 ta golli uzatmani hamkorlariga taqdim etdi.