Ёзги трансфер ойнасида хўжайинлар алмашганидан сўнг молиявий имкониятлари кескин ошиб кетган "Ньюкасл" йирик трансферни амалга ошириши мумкин. Todofichajes сўзларига кўра, "ҳаккалар" марказий ҳужумчи билан шартнома имзоламоқчи ва "Ювентус" футболчиси Душан Влаховични мақсад қилган.
Қайд этилишича, "Ньюкасл" Душан Влаховичнинг трансферига 100 миллион евро тайёрламоқда. "Ювентус" молиявий аҳволи оғирлиги сабабли ҳужумчини сотишга мажбур бўлиши мумкин.
Душан 23 ёшда. 2022/2023 йилги мавсумда сербиялик ҳужумчи "Ювентус" сафида 26 та ўйин ўтказиб, 10 та гол урди ва 4 та голли узатмани ҳамкорларига тақдим этди.
