“Napoli” hujumchisi Jovanni Simeone turnirning 1/8 final bosqichida Germaniyaning “Ayntraxt” klubini mag‘lub etganidan so‘ng, jamoaning Chempionlar ligasining chorak finaliga qadar yetib borishi haqidagi his-tuyg‘ulari bilan o‘rtoqlashdi.

“Biz buni katta xotirjamlik bilan qabul qildik. Biz nimaga erishganimizni tushunmasligimiz mumkin. Jamoamiz katta ambisiyalarga ega, biz ko‘proq narsani xohlaymiz. Balki chempionat tugagach, nima qilayotganimizni tushunib yetarmiz. Juma kuni qur’a natijalarini ko‘ramiz. Bizda jangni davom ettirish uchun katta ambisiyalar bor", - deya Simeonening so‘zlarini keltiradi ESPN.

Joriy mavsumda Chempionlar ligasining chorak finaliga chiqish “Napoli” uchun klub tarixidagi birinchisi bo‘ldi. Ushbu bosqichga qur’a tashlash marosimi ertaga, 17 mart kuni bo‘lib o‘tadi.