“Наполи” ҳужумчиси Жованни Симеоне турнирнинг 1/8 финал босқичида Германиянинг “Айнтрахт” клубини мағлуб этганидан сўнг, жамоанинг Чемпионлар лигасининг чорак финалига қадар етиб бориши ҳақидаги ҳис-туйғулари билан ўртоқлашди.
“Биз буни катта хотиржамлик билан қабул қилдик. Биз нимага эришганимизни тушунмаслигимиз мумкин. Жамоамиз катта амбицияларга эга, биз кўпроқ нарсани хоҳлаймиз. Балки чемпионат тугагач, нима қилаётганимизни тушуниб етармиз. Жума куни қуръа натижаларини кўрамиз. Бизда жангни давом эттириш учун катта амбициялар бор", - дея Симеоненинг сўзларини келтиради ESPN.
Жорий мавсумда Чемпионлар лигасининг чорак финалига чиқиш “Наполи” учун клуб тарихидаги биринчиси бўлди. Ушбу босқичга қуръа ташлаш маросими эртага, 17 март куни бўлиб ўтади.
