Dortmundning "Borussiya" klubi Yulian Brandt bilan shartnomani uzaytirmoqchi.
26 yoshli yarim himoyachining amaldagi shartnomasi 2024 yilning yozida yakuniga yetadi. Dortmundliklar rahbariyati Brandt jamoasidan yangi shartnoma bo‘yicha muzokaralar o‘tkazish sanasini belgilashni so‘radi.
Klub Brandtning kelajagi haqida ushbu mavsum yakuniga qadar bir qarorga kelishini istamoqda, chunki futbolchiga "Arsenal" va "Tottenxem" qiziqish bildirmoqda.
"Borussiya" Yulianning maoshini sezilarli darajada oshirishga tayyor, u hozirda yiliga 7 million yevroni tashkil etadi.
Joriy mavsumda Brandt "Borussiya" safida barcha musobaqalarda 32 ta o‘yinda maydonga tushib, 9 ta gol urdi va 5 ta golli uzatmani amalga oshirdi.