Дортмунднинг "Боруссия" клуби Юлиан Брандт билан шартномани узайтирмоқчи.
26 ёшли ярим ҳимоячининг амалдаги шартномаси 2024 йилнинг ёзида якунига етади. Дортмундликлар раҳбарияти Брандт жамоасидан янги шартнома бўйича музокаралар ўтказиш санасини белгилашни сўради.
Клуб Брандтнинг келажаги ҳақида ушбу мавсум якунига қадар бир қарорга келишини истамоқда, чунки футболчига "Арсенал" ва "Тоттенхэм" қизиқиш билдирмоқда.
"Боруссия" Юлианнинг маошини сезиларли даражада оширишга тайёр, у ҳозирда йилига 7 миллион еврони ташкил этади.
Жорий мавсумда Брандт "Боруссия" сафида барча мусобақаларда 32 та ўйинда майдонга тушиб, 9 та гол урди ва 5 та голли узатмани амалга оширди.
