“Napoli” yetakchilaridan biri Viktor Osimxen faoliyatini Angliya Premyer-ligasida davom ettirishi mumkin.
Jurnalist Florian Plettenbergning fikricha, Premyer-ligada o‘ynash nigeriyalik hujumchining eng katta orzusi. Xabarlarga ko‘ra, hujumchiga "Manchester Yunayted" va "Chelsi" qiziqish bildirmoqda. Osimxen shuningdek "Bavariya"ga o‘tishga tayyor, ammo nemis gigantining moliyaviy rejalari tufayli bunday transfer imkoniyati kam.
Eslatib o‘tamiz, nigeriyalik forvard "Napoli"da 2020 yildan buyon o‘ynab kelmoqda. Joriy mavsumda u barcha musobaqalarda 28 ta o‘yinda 23 ta gol urdi. Transfermarkt portali futbolchining narxini 70 million yevroga baholamoqda.