“Наполи” етакчиларидан бири Виктор Осимхен фаолиятини Англия Премьер-лигасида давом эттириши мумкин.
Журналист Флориан Плеттенбергнинг фикрича, Премьер-лигада ўйнаш нигериялик ҳужумчининг энг катта орзуси. Хабарларга кўра, ҳужумчига "Манчестер Юнайтед" ва "Челси" қизиқиш билдирмоқда. Осимхен шунингдек "Бавария"га ўтишга тайёр, аммо немис гигантининг молиявий режалари туфайли бундай трансфер имконияти кам.
Эслатиб ўтамиз, нигериялик форвард "Наполи"да 2020 йилдан буён ўйнаб келмоқда. Жорий мавсумда у барча мусобақаларда 28 та ўйинда 23 та гол урди. Transfermarkt портали футболчининг нархини 70 миллион еврога баҳоламоқда.
