"Manchester Siti" markaziy himoyachisi Aymerik Laport faoliyatini A Seriyada davom ettirishi mumkin.
28 yoshli futbolchi mavsumni unchalik muvaffaqiyatli o‘tkazmayapti. Mavsum oxirida klub markaziy himoyachi bilan xayrlashishi mumkin. Jurnalist Matteo Morettoning so‘zlariga ko‘ra, “Yuventus” Laport uchun kurashga qo‘shilib, yangi chap markaziy himoyachi qidirishda yetakchilik qilgan.
Ispaniyalik futbolchining holatini A Seriyaning boshqa vakillari ham kuzatib borishmoqda. Masalaning moliyaviy tomoni kelishuvni murakkablashtirishi mumkin.
Joriy mavsumdagi 15 o‘yinda u bitta golli uzatmani amalga oshirgan.