“Yuventus” hujumchisi Dushan Vlaxovich Yevropa ligasi doirasida “Frayburg”ni mag‘lub etganidan so‘ng (2:0) jurnalistlar bilan suhbatlashdi.
“Men butun jamoaga rahmat aytmoqchiman. Bizda bu mavsumda juda ko‘p qiyinchiliklarni boshdan kechirgan juda ahil jamoa bor. Bugungi gol men uchun juda muhim, chunki hujumchilar gol bilan yashaydi, lekin, albatta, asosiysi "Yuventus"ning chorak finalga o‘tishi. Biz yanada ko‘proq ishlashimiz va o‘yindan o‘yinga maqsadlarni kuzatishda davom etishimiz kerak”, - dedi Vlaxovich o‘yindan keyingi intervyusida.
