Stiven Jerrard «Kristal Pelas» bosh murabbiyi lavozimiga da’vogarlardan biri bo‘lib turibdi. Patrik Viyeyra bugun iste’foga chiqqanidan keyin bu lavozim bo‘shab qoldi.
Daily Record xabariga ko‘ra, «burgutlar» Jerrard variantini ko‘rib chiqmoqda, chunki uning murabbiylik uslubi jamoaga mos keladi.
Oldinroq Roy Xojson yana «Kristal Pelas»ni boshqarishi mumkinligi haqida xabarlar tarqalgan edi.
«Kristal Pelas» Premyer-liga turnir jadvalida 12-o‘rinni egallab turibdi, ammo quyi ligadan atigi 3 ochko oldinda boryapti xolos. 2023 yilda «burgutlar» birorta ham liga o‘yinida g‘alaba qozona olmagan.
«Kristal Pelas» navbatdagi o‘yinini 19 mart kuni «Arsenal»ga qarshi o‘tkazadi.
