Стивен Жеррард «Кристал Пэлас» бош мураббийи лавозимига даъвогарлардан бири бўлиб турибди. Патрик Виейра бугун истеъфога чиққанидан кейин бу лавозим бўшаб қолди.
Daily Record хабарига кўра, «бургутлар» Жеррард вариантини кўриб чиқмоқда, чунки унинг мураббийлик услуби жамоага мос келади.
Олдинроқ Рой Хожсон яна «Кристал Пэлас»ни бошқариши мумкинлиги ҳақида хабарлар тарқалган эди.
«Кристал Пэлас» Премьер-лига турнир жадвалида 12-ўринни эгаллаб турибди, аммо қуйи лигадан атиги 3 очко олдинда боряпти холос. 2023 йилда «бургутлар» бирорта ҳам лига ўйинида ғалаба қозона олмаган.
«Кристал Пэлас» навбатдаги ўйинини 19 март куни «Арсенал»га қарши ўтказади.
