"Barselona" hujumchisi Robert Levandovski jamoasining joriy mavsumdagi istiqbollari haqida gapirdi. Uning fikricha, jamoa muammolar tufayli birdaniga bir nechta sovrinlar uchun kurasha olmaydi.
"Hozir bizda yaxshi jamoa bor, agar biz bir-ikki yangi kelganlar bilan kuchaysak, tarkib yanada raqobatbardosh bo‘ladi. Lekin tan olishimiz kerakki, biz bir vaqtning o‘zida bir nechta sovrinlarni qo‘lga kiritishga tayyor emasmiz. Bir necha oy ichida hamma narsani o‘zgartirish haqiqiy emas.
Men har doim La Liga chempioni bo‘lishni xohlaganman. Men buning bir qismi bo‘lishni xohlayman", - dedi Levandovski ESPN bilan suhbatda.
Ispaniya chempionatining 25-turidan keyin “Barselona” “Real”ni to‘qqiz ochkoga ortda qoldirib, turnir jadvalida peshqadamlik qilmoqda.
