Italiya A Seriyasining 27-turidan o‘rin olgan qator uchrashuvlar 19 mart, yakshanba kuni bo‘lib o‘tdi.

Markaziy o‘yinlardan biri “Lasio” va “Roma” o‘rtasidagi Rim derbisi bo‘ldi. Uchrashuvning birinchi bo‘limidayoq “bo‘rilar” Rojer Ibanesning chetlatilishidan keyin bir o‘yinchi kam bo‘lib qoldi. 65-daqiqasida Mattia Zakkani yakunda “Lasio”ga g‘alaba keltirgan golga muallif bo‘ldi. Uchrashuv yakunlanganidan keyin “Roma”ning yana ikki futbolchisiga qizil kartochka ko‘rsatildi.

"Lasio" o‘z ochkolarini 52 taga yetkazdi hamda "Inter"ning ochko yo‘qotishidan foydalanib, jadvalda 2-o‘ringa ko‘tarilib oldi. "Roma" esa 47 ochko bilan 5-o‘rinni egallab turibdi.

A seriya, 27-tur
19 mart, yakshanba
“Lasio” – “Roma” 1:0
Gol: 1:0 – 65 Zakkani.
“Lasio”: Provedel, Marushich, Romanyoli, Kazale, Hyusay, Luis Alberto, Kataldi, Milinkovich-Savich, Felipe Anderson, Zakkani (Kancheleri, 81), Pedro (Bashich, 89).
“Roma”: Ruy Patrisiu, Smolling, Manchini, Rojer, Spinassola, Veynaldum (Matich, 67), Kristante, Pellegrini (Solbakken, 84), Zalevski, Dibala (Lyorente, 46; ash-SHaaravi, 78), Belotti (Abraham, 67).
Ogohlantirishlar: Rojer (8), Luis Alberto (25), Romanyoli (59), Kristante (71), Manchini (80), Kancheleri (89), Bashich (90).
Chetlatish: Rojer (32), Marushich (90), Kristante (90).