Madridning "Real" klubi hujumchi Karim Benzemaning muvaffaqiyatsiz o‘yinlari fonida jamoaga yozda yangi forvard sotib olish imkoniyatini o‘rganib chiqmoqda.
AS xabariga ko‘ra, "qaymoqranglilar" prezidenti Karimning bu mavsumdagi formasidan unchalik ham ko‘ngli to‘lmayapti, fransuz joriy mavsumda jarohat sabab 13 ta o‘yinni o‘tkazib yubordi.
Mavsum yakunida "qirollik klubi" Benzema o‘rniga "Yuventus"dan Dushan Vlaxovichni xarid qilishi mumkin. Agar bu reja ish bermasa, madridliklar 2024 yilda Xoland yoki Mbappedan birini sotib oladi.