"Manchester Siti" shartnomasi yakuniga yetayotgan yarim himoyachi Ilkay Gyundoganning yozda ketishiga ishona boshladi. Jurnalist Sike Rodrigesning so‘zlariga ko‘ra, "shaharliklar" rahbariyatida nemisning mavsum yakunida jamoani tark etishi borasida ishonch kuchayib bormoqda.
Gyundogan “Barselona”ning e’tiborini tortgan. Futbolchining o‘zi ham "ko‘k-anorranglilar" tarkibida o‘ynashga qiziqish bildirmoqda. Ammo kataloniyaliklar bosh murabbiyi Xavi Ernandes uchun Ilkay yozdagi asosiy maqsadlardan biri emas.
Gyundogan APLning joriy mavsumida “Manchester Siti” safida 3 ta gol urdi va 3 ta golli uzatmani amalga oshirdi.