"Манчестер Сити" шартномаси якунига етаётган ярим ҳимоячи Илкай Гюндоганнинг ёзда кетишига ишона бошлади. Журналист Сике Родригеснинг сўзларига кўра, "шаҳарликлар" раҳбариятида немиснинг мавсум якунида жамоани тарк этиши борасида ишонч кучайиб бормоқда.
Гюндоган “Барселона”нинг эътиборини тортган. Футболчининг ўзи ҳам "кўк-анорранглилар" таркибида ўйнашга қизиқиш билдирмоқда. Аммо каталонияликлар бош мураббийи Хави Эрнандес учун Илкай ёздаги асосий мақсадлардан бири эмас.
Гюндоган АПЛнинг жорий мавсумида “Манчестер Сити” сафида 3 та гол урди ва 3 та голли узатмани амалга оширди.
