"Arsenal" va Braziliya terma jamoasi hujumchisi Gabriel Jezus JCH-2022da olgan jarohatidan so‘ng nimalarni boshidan kechirganini aytib berdi.
- Rostini aytsam, nima bo‘lganini bilmayman. Men hech narsani his qilmadim, lekin nimadir o‘zgardi. Men og‘riqsiz, noqulayliksiz, hech narsasiz o‘ynashni davom ettirdim. Keyin meni almashtirdilar va zaxira o‘rindig‘ida tizzamni buka olmadim. Bilasizmi, men juda qo‘rqib ketdim. Men har doim og‘riqqa yaxshi toqat qilganman, ammo u boshqacha edi", - dedi Jezus.
25 yoshli hujumchi Qatarda bo‘lib o‘tgan jahon chempionati guruh bosqichida Kamerunga qarshi o‘yinda (0:1) jarohat olgandi. Shundan so‘ng u shu yilning mart oyigacha safdan chiqdi.